7月28日(ニ) 天陰 (好過落雨)
扎幌->北竜町->富良野
無雨但依然烏雲滿天。令北竜町的太陽花陣失色。但我也好期待,因太陽花是我的至愛,史爸第一次送花比我也醒目的買太陽花,今個(北竜町)行程,是史爸專登選比我的,因路程較遠,而且是順路,去到只見小貓幾隻,太好了!!我好興奮及期待!!
這裡好靚,好舒服!!I love it!!
我立刻租了單車，傻苗不停追。
我說:這便是媽咪最愛的花----它叫太陽花! 你與史史及爸爸便是我最愛的人---叫苗苗及亞昌
巧合的遇到一對香港夫婦及兩個女，苗苗又立刻和他們玩。當旅程尾段住最後兩日的Yorkshire Farm(新得)，也有緣的遇到這家人!^v^
園內有個鴕鳥牧塲，可以買野喂它。
隔離就是太陽花迷官。真係好震撼!!!
媽咪,你揾到我們嗎?
離開北竜町，直往富良野，Settle 後，往富良野市，準備睇一年一度的肚臍祭，亦很期待.睇書知道可以讓遊客參加，但估會好怏滿額，1800到埗後，發覺火車站旁好嘈，重有的英文及廣東話聲，行去睇原來是旅遊中心的Counter. ，本來只睇睇，但原來可以參加 ，還有個小朋友叫苗苗一齊玩.初初都唔想，但見個姐姐一齊,我當然又話好好玩啦,想同苗一齊畫肚皮,但她好有原則地肯"那"起件衫比人畫,最後穿上one sizeＴ恤啦! 佢選擇了多啦A夢!
於是史媽和苗苗就參加了"Team International" 國際隊。
一隊全無步法的隊伍..........haha,不過苗苗就不停跳，一齊叫口号,好high!!回香港後，仍然記得的口号：「Solar, Solar, Solar」仲成日係屋企大叫"Solar".當行完第一輪後，帶頭的鬼佬話：「One More time！」，結果一半人走了。包括我地!! 因條表演路線好長....好熱!!! 我地都濕晒了!! 仲有...對手好攰....
今天真的好開心!!!!
好多驚喜,,,去旅行便是這樣,傻吓傻吓,知一半便夠,必有驚喜!
4 則留言:
這天旅程很有趣精彩呢!!
[版主回覆08/08/2009 06:46:00]係呀!!而且開始好天了 啊啊啊....
全部睇晒，真係好靚呀！如果有陽光我估D相仲靚，又有咁多唔同動物睇，我一定要帶兩位公子去下，不過我老公唔揸車？如真係有機會去，到時可唔可以再向你請教！ 見到妹妹真係玩得好開心，好羨慕！
[版主回覆08/08/2009 03:45:00]唔好講請教咁客氣!
不過要喜愛小動物先覺得好玩，我見一的小朋友(年紀較大)好似都吾係好enjoy. 可能只想打機及上網。
唔揸車都可以搭JR.只不過行程受班次限制，但交通費較貴，一般租車的費用以平過三個人的公共交通費。
等你.... 期待你們第五天的行情...
[版主回覆08/08/2009 06:44:00]我會一日post一日,若果你地曰日來,那就好似一齊去似的,希望可以做到呢個效果la! 我們在回憶中一起分享
謝謝等我們的你們
Hi 阿宝, 虎年快樂! 又係我呀! 我們正計劃去富良野睇肚臍祭, 想問肚臍祭(7月28日)是否集中在傍晚舉行? 幾多點完結? 睇一晚足夠嗎?? 在肚臍祭當晚在富良野站附近泊車難找位嗎?? 唔好意思, 我找不到你之前留給我的手提電話, 可否再給我多次? 謝謝! 我的電郵地址是: mickeyeva1226@yahoo.com.hk
發佈留言