捉緊我的小手

 

我們又可以擁着藍藍,手牽手一起跑,跳,踫了!! 她康復啦!趕快親親大自然先....

好鐘意呢一張,是藍藍的小手.你地大個之後,都能互相愛護,互相扶持嗎?

 

 

 

 

 

  

 

 

 

 

 

 friend!!

 

 

 

 

天天走停,古靈精怪的苗苗......

 

 

 

 

 

 

我與情人

 

今年是我們第7個情人節,我返早更,而且晚上免得出去同人迫同食一律化的set,所以史爸訂枱同我去high tea!!一間錯的小餐廳,下午因為要為晚上的套餐準備及怖置,所以2月14那天冇tea set.加上lunch set last order time 係15:30.哈哈,我地15:20趕到,食佢尾糊.而且其他食客也食完開始埋單了,於是我倆有如包場般,,好正呀!!嘆了個寧靜又浪漫的Tea.好正呀!!之後又可以回家陪苗苗,晚上待苗苗ZZzzzz之後,才去買飛睇午夜場, thank you 史爸!!

我仲收到呢份禮物---一張大相! 入面有我們一起的日子,好鐘意

 

 

 

 

 

我倆也愛看書,睇戲..奈何時間全比苗苗佢佔有了!過現在她晚上睡得好穩定,我們每遇到有好戲,也爭取午夜場,近期"奇幻逆緣"及"一百萬零一夜"真值得一睇再睇!"奇"既故事尤其吸引,發人深省,攝影角度好靚,片長3小時,但冇冷塲.正!! 若錯失良機仿買vcd來看,正!! 而"一百萬"片長2小時,但真令我好緊張,攝影角度也好靚,配樂好聽或許我愛看一些落後地方的小孩子,我欣賞他們的勇敢及堅強,好真好可愛好現實的一套好戲!

爸爸唔好 呀呀呀啦

今天天陰陰，不知去邊，於是兩隻"Hello Kitties" 在家整Cookies...準備送給阿Wing，當住是生日蛋糕先。晚上還和阿Wing到FatAngelo's 食意大利餐tim.  今天是「山頭霸王」的比賽日子。如果不是生了苗苗，史媽和阿Wing兩位前度女子組季軍可能要在Camp Site 食臘腸飯。

一開始就倒瀉糖....

重叫爸爸唔好倒瀉????

這幾天污天黑地，前天還落雹，擾攘多時的"BGGW"減人工信亦於星期五收到，天怒人怨，兩天No Pay Leave.，大約減10%，史媽過去大半年因training, 人工已减一半，剛剛今個月train完不用減，又到我減，同史媽阿爸講，他話「不是高級嗰的放三日嗎?」我幾時話我自已高級???但比他知道我人工多過一萬八。其實今次已經好有「良心」，給你兩日假。

講開Layoff,減薪，其實我在「老電」已經驗豐富，不過今次公司的手法就太差 ，基本上，「老電」是Layoff,減薪的專家，我記得十年前，我個Branch的Director重同個大老細在某個星期五一起開記者會，講的新服務點勁，最記得星期六重有「風雲」首映，公司派飛，我和好多人(包括的老細)都有去，一切正常，結果跟住的星期一早上栽三百人，由個Branch的Director cut 到我老細。下午Norman Yuen Briefing，(Norman Yuen就是當年在李二少收購「老電」的記者會上企李二少側邊，不過三個月後就走了)講一輪廢話，只是記得他說：「而家大家心情唔好，而家可以走，出去飲吓咖啡啦！」整體手法乾淨，兼快而恨，跟住數次的栽員都有相同的精神。

最近的一次就差到極，首先，個CEO AA(人稱萬能膠)低能，係去年Sports Day公開話唔栽員，其實就算經濟好，都唔會咁講，重邊有人信他講野，佢以前在政府做高官，完全唔明商業社會的運作，只是識聽無能李二少的說話。而栽員又同私有化一齊，絕對引起社會不滿。

於是就靜雞雞進行，二月頭就首先cut兩個中層 ，其中一個是我老細，個日我老細的老細差唔多收工叫我見他，第一句話：「今天是係你老細last day，明天他不會上班，其他事BAU(Business as usual)。」原來他剛剛派了信給我老細，他Commet我老細收信時好鎮靜 ，我想話他傻，唔通同你反枱??接着回去同老細講兩句，他都好平靜，就開始和其他同事幫他執野，都執到十點幾，叫埋雞記，送埋佢上車。

事件公開後，接着的一個月，公司完全混亂，首先公司每人的親朋好友不停來電問好，公司每日樓下都有各大傳媒等候，日日都話可能栽員減薪, 公司無人出現澄清，日日頭條都是"BGGW"，報紙的新聞重準過公司公佈的消息，最後自已就公佈cut了80人，我的工程部3000人就只cut了二月頭的兩位。我個team就跟了另一個老細。其實工程部已經No Pay leave，點解仲要cut２個呢??我地都經常討論。據聞另一個被cut的同事已於一星期後找到工。

其實cut,cut吓停咗，我估是受到社會及政府的壓力，最好笑有日差唔多收工時又炒咗十幾名Contractors，可能新聞有報，當晚十點有人打番電話叫他們明日返工。其實講明Contractors.  Temp staff隨時cut都得啦，又不是under "BGGW". 咁亂都有!!

成長路

早陣子真的冇心机.......現總算雨過天青了!藍藍回了家,公公安頓好,老公ok啦!但今天苗苗竟發起高燒來,晚上我在太子上課時,老公突然急call說苗苗知什広事,停哭了1小時...我當然飛的回家,一入門口,2人焦急表情,苗苗紅トト,我抱過來,嘩!火爐仔,發高燒!!我立刻幫佢除衫,食panadal,冲涼.....我一回來,她沒哭了,激死!但她整夜沒多睡,我也是......

   說回工作....經過33weeks出外實習後再重回自己的老家---工作了8年的手術室,這可算是陪我成長的地方,這8年來由拍拖,失戀,失去了媽咪,結婚,大肚,生女,再看清楚自己...醒覺要斷進修.....這8-10年來可以用"捱"去形容,一直獨立堅強的我被鍛練得更"硬淨"更"堅強",人生路上要遇到的事,實在太多,而自從5年前媽走了後,我心中失去了一份好大的力量.....直至現在也是!但路一直在走,背着很多東西,心底裡知道身边有好多支持自己的人,但怎樣去行,行得快與慢好與壞,其實就只有靠自己!冇人幫到你!!我是一個對自己有要求的人,這一點往往令到人有好多壓力,又幸運地我学会了放下,我会嘗試做我自己想做的事,盡力而為,問心無愧,正如媽媽當天所教導的!

   這8年來,好想多謝身旁的同一大班好同事,其實除了放假,我就要對住你地,這10年我絕對可以出一本好厚既書....真知怎樣去形容.好多謝你們每天也陪住我,無論"黑面" "笑面",始終也是共同作戰,我好"化"了!!無需要激氣.過今次回來,大家真的忙了很多,而且比以前更加"煩"添加了好多"無謂"的工序!眼見大家的工作look,面容緊縮,追追趕趕8小時,真有點兒可怕!我....是否還配合在這環境下生存嗎?壓力令人過度緊張,說話也变得難聽,同事們,放鬆少少可以嗎?我們要面對的將会更嚴峻,難度一直的"黑面"下去嗎?大家也辛苦,很想提升大家的EQ....喂!加油呀!能者多勞,忙....代表自己好有价值!几好吖!!我怕忙,怕辛苦!但怕煩與黑面,及一些必要而傷害人的說話!一個隔洽及開心的工作氣氛對我來說是很重要!!

     "苗"很喜歡這個字,對我來話,隨了"田徑"股衝勁之餘.就是"幼苗"的受人呵護珍惜,小時候身旁有好多有心人扶持成長,每天灑水施肥,當然"她"必須要靠自己由苗变樹,能否亭亭玉立,撐一把叢陰庇護愛她的人,為別的遮風擋雨呢?或者聯群結隊成了一個大樹林,孕育少小生命,給予安隱家園呢?苗苗,你要好似媽咪般堅強獨立啊!做父母的,必定会陪着並指引你走每一段路,將來...無人会知道怎樣,你只需要做好自己做好每一天,懷着感恩的心而行,身边必然有很多知心朋友,就如媽咪一樣,知嗎?

     多謝一直在我身边的----好朋友!!!包括我的好老公!! 覺间我與我一位"最好的朋友"一起7年了!共渡了少喜與悲,無論是自己的事抑或是身边朋友的事,我們也緊張也会為他們想辦法解决疑難,会在身邊給予支持,很慶幸自己遇上了"史爸"一個很重情義又攪笑的老公!

    每逢放假必到郊外抖一抖,今星期天我們選了"長洲",苗苗可以玩沙沙,我們可以去探吓台灣品種的"香港櫻花".舊年3月中去已落花,今年未開花,只有一棵開得燦爛奪目!它贏了!

  

 

 

 

 

 

 

 

 

 

 

  

 

 

 

 

 

 

 

 

 

 

 

今天09年3月1日,25個月大苗苗的第一個"點解?"之前成日問"呢個咩呢?" 今天,她長大了一步,佢睇完船尾D浪花及漩渦,問我:點解錦既?我諗快要睇定十萬個為甚麼了.過我好開心!