又嚟一件啦!!!呢件勁...有成7磅8,亞媽Rebecca生得辛苦了!!
但一切順利,而且B仔超勁可愛,出世半天己經多多表情,好鍾意呀
rebecca 話原來生仔真係好辛苦,一個就夠了!....唔.....聽住先啦!
昨天探Rebecca時見到她媽咪及老豆,開心到得了! 如果我媽也在.........就好了!!!我又想起她...........
很想媽咪見到苗苗這個小可愛,很想媽見到我做了媽媽.....很想媽咪在我身邊............我很累,你知道嗎?我需要妳,你知道嗎?
你知,你会知!!!!!!!!!
今天睡了一整天,因為現在我們医院轉了on call制度,姑娘night要在家on call ,若晚上冇case就用返工,第ニ天則返8-9小時.但萬一好彩call 了你回去做手術,就照計8小時後才放工.我次次也太好彩,但昨晚更是最好彩的一次,我晚上0130睡,電話0245響起來,全家醒晒!!!要返工????唉!!仲要條街靜到得了!又凍又大凤,一個人行去取車揸返工......其實.好驚!!
一路做足7小時.....冇停冇得坐仲要跑來跑去,由零晨0330做到今天早上1030,好彩i.c好人,比我補回早餐時间,提早1小時放工咋!否則1130才有得走!!人都"tin",累透了,這樣下去,命也短几年!現在這姑娘on call制度是試行階段,我們沒有extra 人工,保險亦包.....???返工放工時出事真知怎算?但我們冇得反抗,真可憐,無奈!!
半夜起身返工的知味.....好難受!!亞昌說了句話: "都係我冇用,揾得錢少,否則你用這般辛苦!" 頓時靜了!我在想.....自己好似奴隸獸,為何我們团結起來反對抗議這殘忍的on call制度呢? 我可以點做?呢個制度估到令我老公及個女心靈也受創!
近排心情大起大落!!芝芝,你O.T順利嗎?痛痛呀?
沒有留言:
發佈留言