母親節-新村牌樓落成

今年母親節的特別節目就是參加我地住條村的牌樓落成典禮，現在的香港都好少見類似的活動，而家還要是自己住的村，再加上包租公(他是村長)的邀請，所以點都要出席下。

開幕前，路邊已掛上花牌

其中更有「江西竹林寺螳螂派」，聽個名都勁。

開幕前由村代表(村長)發言，正是我們的包租公"孫生"。

見到孫生講野，苗苗熱烈鼓掌。

其中一位發言者更是政府的政務專員，睇個樣剛剛畢業，係班阿叔面前，十分有趣，重叫我地小心豬流感，不過吾好睇少，因為曾特首當年都是沙田的政務專員。

牌樓終於開幕啦!!!牌樓建築期間，阿昌家姐居然問：「條路點解起行人天穚？」

還有醒獅，苗苗還可以近距離接觸。

全村大合照

還有分燒肉及食物供應。

近期苗苗金句：

1. 爸爸，你唔好訓係道食野啦!

2. 爸爸，食嘢唔好「行離行去」，醜怪!

3. 爸爸，我唔係叫肥妹仔，我叫盧泳苗!

4. 爸爸，你幾時入過廚房烹野食?

(有一次，史爸同苗苗講書，其中一頁是個爸爸在廚房烹野，小朋友在廚房門口，本來想灌輸她唔好入廚房，但她居然問了這個問題!)

她的金句都是針對史爸!!!