京阪神8天3人賞櫻之旅

好緊張.好緊張啊!!本來計劃1/4日飛,但張國泰CX机票仲係waiting list 當中!!以往我去旅行也好遲才訂机票,次次都係waiting list,但最後也wait到的,但wait多於1星期.不過今次就太尋常!!等了2星期,仍然wait.....所以我要找定後路,四周圍叫人幫手揾机票.找到了JAL全日本航空及印度航空,印度航空???是怎樣呢?上綱睇完後,笑爆咀....D人話班机8成会delay ,机倉內有強烈印度味,而厠所呢?令你寧願忍到落机才去!!D空姐(嬸)在机倉內会向前行的,因過到條腰D肥糕一層層,所以要打橫行,而且頭发蓬鬆冇化粧.......嘩!!!真係好想吓feel吓!!! 仲一定要同空姐影張相呢.....佢既价錢係CX的一半咋,而且早去晚返.......太完美!!若是苗苗,我們一定会試吓印度风味!!!

  過詢间各人意見後,還是選擇JAL吧!雖然下午机去,晨早返.......唉!!!極之想!!唯有stay多1天作彌補吧!! 因為同苗苗一齊,坐得舒服些好D!本來諗住坐CX的話,可以用Asia Miles分數upgrade上商務位,但仲係waiting list!!!!! 等埋今天.....也不得不轉軚....明天早上去出机票吧!當然是JAL吧......唉!!! 坐JAL呢班机唯一令我安慰些的是可以同carmen & wilson 一齊去呀!佢哋玩6天,我們玩8天,所以一齊去但分開返呢!! 係啦,明天20/3係他們的結婚週年紀念(忘了几多年,但感覺還很新鮮!)恭喜恭喜祝你倆天天也是享受天!開心到飛起,甜蜜到爆燈!!

    除了机票有問題之餘,book房也有問題,因我想住地道的民宿,平的book唔到....貴的真的好貴,成2千多港元一位一晚....但也full!!!最後好彩Elaine,有你的介紹,找了這间价錢合理又ok靚的民宿,thanks!!我真的晚晚對住個腦狂search 狂Book,但得來的也是通知我"full"的e-mail....真沮喪!!! 真的感謝你,聽史爸講,你去了歐洲玩喎!但今天還收到你internal給我們的復活節禮物,真有心.....好開心呀!!

以下是我們行程.各位比些意見吖!!<京阪神8天3人行賞櫻之旅>

第1天  関西空港arrived at 21:00----->京都民宿(日昇館尚心亭)  http://www.nissyokan.com

第2天  京都共玩4天,.....首天.园山公園,平安神社,金閣寺,白川,清水寺(夜櫻)

第3天   岚山,竹林,嵯峨野(玩小激流,舊式小火車,人力車,踏單車....野餐sakura...sakura)feel so good!!

第4天   奈艮公園(同鹿仔玩,)行吓附近的古老店鋪,食吓至愛的綠茶食品,yeah!!

第5天   一早check out 返大阪(http://www.toyoko-inn.com)--->海游館(好靚!)

第6天   暢遊大阪櫻花地帶(五月山公園,大阪城公園,毛馬櫻之宮公園),杯麵發明紀念館

第7天   神户

第8天  晨早10:00机  

    希望到好多好多好濃密的櫻花啦!! 不過第7天是星期日, 我們應該襯着人多去睇櫻花,還是照舊第6天(sat)去好呢?   回應一吓吖!!

特別嗚謝:     老公史爸(陪我四圍找資料,一齊plan一齊去)   

史史家姐的慷慨(上星期我話比佢知我哋去日本,佢好唔開心,第二天早上在我們張床"賴尿"呀!!!!!!!!!!!!!)

 明哥,肥仔,Elaine,Yvonne ,碧芝及邦提供民宿及各 路線資料及好玩推介!!  

幫我努力check,追,hold 机位的Angie及connie的媽媽cindy!!  

 Carmen陪我一齊上綱book房,最後又累你比人鬧,sorry!!    

最後應該還有苗苗....但知多謝她什麼?? 講真,若我有個可靠的人幫我凑苗苗,我就会帶她去!! 佢既頑皮指數係100%

 

 

 

妹妹的新床,(事領姨姨送的!)佢好鐘意!!不用Tatami瞓地下了!!