SiSi Father: 5月 2007

2007年5月20日星期日

我們的第一次

真係好開心,可以一齊去游水

泳苗之所以叫泳苗,都係因為想她游水叻D,第一次下水.....做媽咪及爸爸的我們有點緊張,好彩有charles+connie+藍藍一起去

謝謝幫我壯膽,未試過同甘細個BB去游水!好感動,終於可以腩住屬於自己的BB去游水了!!1...2...3....下水了

原來她們不怕水的,手仔腳仔不斷踢踢踢.....很可愛!!而且浮力很強架,勁!!

突然間,妹妹哭起來...原來史爸托她游狗仔式時,她個頭唔夠力,浸了入水,又飲了水,哈哈哈,,,史爸就是這樣傻!!

雖然那天黃雨警告,天氣也較凍,就因為如此,泳池好小人呀!!正!!

D相係charles幫我地偷影..Thanks!!好彩冇乜人咋

2007年5月15日星期二

乳牛媽媽

每一滴,每一滴....也好珍貴!! 若倒瀉小小都好心痛!!

好開心,估不到自己可以堅持到現在! 全母乳餵飼4個月了!雖然令人累透了,但見到苗苗健健康康,好自豪

返工已經好,lunch時還要抽半小時出來對住面牆泵奶,好悶!!! 其他時間又不能走去泵,現在返工太忙了!放工回家才能與妹妹一起享受啜啜啜

我們8:30pm吃反,妹妹9pm沖涼,之後啜啜啜便睡了.......而我呢? 要等到1am泵多一次奶奶才睡,否則半夜谷奶唔舒服! 第二朝妹妹有時0530am有時7am會起床啜啜啜,那我就因應呢個鬧鐘仔而起身, 好彩她很快便戎了夜奶!

上兩星期買了個Avent手泵,要$330元,都幾貴! 不過真的好好用,我本身有2個medela電泵,一個放係公司一個係屋企,但聽人話Avent手泵好用, 會"泵多D奶"即刻飛去買.,一試之下,果然勁....試過有一次泵多2安士呀!!

神奇!!!!而且力度分散些,又沒有嘈音,又不用插電制,可以同妹妹一路玩一路泵,行到邊泵到邊,正!!

而個電泵太嘈了,雖然泵得快但有時會好痛!但返工冇時間冇辦法啦!

現在好勁,我試過2邊一齊用電泵,又試過一邊電泵另一邊avent手泵,又試過一邊妹妹啜啜啜一邊用手/電泵.....層出不窮,哈

好忙!!前睌吃沙律時,亞昌話我好似食草錦,好似隻牛!!我在想....我咪係一隻"乳牛"

哈哈哈!!

現在妹妹啜啜啜時會望住我,然後笑一笑....真係殺死人!!好鬼正呀....

這個眼神軀使我永不放棄!!加上我發現餵人奶實在太方便,我可以帶往妹妹周圍去,一個人帶她去街也不用帶太多東西,去旅行又不怕水土不服,現在帶埋妹妹去玩3日2夜,2日1夜....去wild camp都得阿

2007年5月9日星期三

我的痛

前天,公公70大壽呀! 我又參加了公公的生日會,在酒樓27人一起吃飯,全部都是公公的好朋友,好高興呀! 公公抱住我滿場飛,不知几開心

吹生日臘燭時,我都識吹呀!!yeah!!!

開心過後....又令我想起媽咪!

我真的好任性,為何她在我身邊的時候,我總是不太在乎....現在的我....很想她見到....我真的很念媽咪!!!真的.....我不想哭,但一想起她....淚自己落下!"樹欲靜而風不息 ,子欲養而親不在".....這種"痛",成為了我與老豆的動力來源.一直以來,我與老豆也努力的去蓋掩這傷痛....其實...好辛苦!!眼見現在的老豆,表面上也令我放心,他有他的精采生活,朋友! 我亦有我的"家庭"了! 但骨子裡的...我們明白...我可以不用每天看到媽咪剩下的衫,袋,相片....不用睡在媽咪睡過的床,有媽咪口水的枕頭床單...但老豆呢?好像沒得選擇,他亦不願蘺開石圍角!逃避不了!我們很痛...

晚飯後, 回程途中,我們的車箱外有一隻綠色草蜢跟了我們一段路程....是媽咪嗎?

"就算全個世界亦都失去,她也在這裏全場突然寂靜,她都給我衷心的讚許就算誰愛過我又給收去,她熾熱不退旁人視為負累,她偏不覺苦靜心等我歸去(如何大成大敗,她的寵愛中,亦都只有一歲)"

"共誰玩共誰做伴侶 , 進步到某一點熱情就會退 , 共同進退唯獨是父母這一對" ----------"何韻詩.絕對"

"父母"是屬於我們的,我們亦是他們唯一的! 應該怎去處理呢件事?大家想想....不要令他們失望,不要令他們受傷害! 自己做了媽媽......一切也深深体會到!

自己要在好媽媽,好老婆,好囡囡,好同事.....當中取平衡,真的不易!! 現在,或許我忽略了我的好老公了!!